സിഡ്‌നി: സിഡ്‌നി സ്വദേശിയായ ജിബി ജേക്കബ് പുറത്തിറക്കിയ ‘The Real Siege’ എന്ന ഷോർട് ഫിലിം ഇംഗ്ലീഷിലും മലയാളത്തിലും യൂട്യൂബിൽ റിലീസ് ചെയ്തു.
മനുഷ്യന്റെ ഉൽഭവം തൊട്ടു നാളിതുവരെ ഹ്യൂമൻ റിയാലിറ്റിയിലൂടെ സഞ്ചരിക്കുന്ന മനുഷ്യ മനസ്സിന്റെ ചലനങ്ങളെ സാധുവൽകരിക്കരിക്കാതെയും അല്ലാതെയും തന്നെ അവരവരിലൂടെ നോക്കികാണുകയും അവർ അവരിലൊരാളേ സൃഷ്ടിക്കുകയും അതിലൂടെ അതിജീവനം നടത്തു കയും ചെയ്യാം എന്ന മനസിന്റെ പരമമായ ഒരു തോട്ട് പ്രോസസ്സ് ആണ് റിയൽ സീജിലൂടെ സംവിധായകൻ പറയാൻ ശ്രമിക്കുന്നത്. കോവിഡ് -19 പോലുള്ള ദീർഘ സമയത്തെ ഒറ്റപ്പെടൽ മനുഷ്യ മനസിനെ ഭ്രാന്തമായ ചിന്തകളിലേക്കും സന്ദർഭങ്ങളിലേക്കും എത്തിച്ചു. കാരാഗ്രഹത്തിൽ അകപ്പെട്ട അവസ്ഥയിലൂടെ കടന്നു പോയ നാളുകൾ, ഈ പശ്ചാത്തലത്തിലുള്ളതാണ് റിയൽ സീജിന്റെ ഓരോ ഫ്രെയിംസും.
കഥ, തിരക്കഥ, സംവിധാനം, എഡിറ്റിംഗ്, കാമറ എന്നിവ നിർവഹിച്ചിരിക്കുന്നത് ജിബി ജേക്കബ് ആണ്. ബിനു ജോസഫ്, റ്റിസ് അക്കത്തറ, എലിസബത്ത് വെള്ളം ചേരിൽ എന്നിവരാണ് അഭിനയിച്ചിരിക്കുന്നത്. സംഗീതം – ആനന്ദ് മധു സൂദനൻ, കളറിംഗ് – ലിജു പ്രഭാകർ, സൗണ്ട് ഡിസൈൻ – ഷെഫിൻ മായൻ, ടൈറ്റിൽ – കുരുവിള എബ്രഹാം, ഇംഗ്ലീഷ് ഡയലോഗ് – നേഹ പഴയംകൂട്ടിൽ.
നിരവധി അന്താരാഷ്ട്ര ഫിലിം ഫെസ്റ്റിവലുകളിൽ ശ്രദ്ധിക്കപ്പെടുകയും നിരവധി അംഗീകാരങ്ങൾ ലഭിക്കുകയും ചെയ്ത ഈ ഷോർട് ഫിലിം, ഇംഗ്ലീഷ് മലയാളം എന്നീ രണ്ട് ഭാഷകളിൽ ചിത്രീകരിച്ചിട്ടുണ്ട് , ഹ്രസ്വ ചിത്രമായ ‘The Real siege – ഇംഗ്ലീഷ്’, ‘ദി റിയൽ സീജ് – മലയാളം’ എന്നിവ bee studios youtube ചാനലിൽ കാണാവുന്നതാണ്.
