ഒരു നിശാക്ലബിൽ നിന്നുള്ള ഫോട്ടോ വൈറലായതോടെ 20 വയസ്സുകാരിയായ റൈലി ജോൺസന്‍ പ്രശസ്തിയിലേക്ക് എത്തിയിരിക്കുകയാണ്. ഓസ്‌ട്രേലിയയിലെ ഏറ്റവും സുന്ദരിയായ സ്ത്രീയായി വിശേഷണവും റൈലിയെ തേടിയെത്തി.
കാമുകൻ ടൈറീസ് ബൈറയുടെ കൂടെ നിൽക്കുന്ന ഒരു ചിത്രം ഓൺലൈനിൽ പ്രത്യക്ഷപ്പെട്ടതോടെയാണ് റൈലി ജോൺസൺ പ്രശസ്തിലേക്ക് ഉയർന്നത്. വടക്കൻ ക്വീൻസ്‌ലാൻഡിലേക്ക് വാരാന്ത്യ അവധിക്കാലത്തിനായി റൈലി, കാമുകൻ, സുഹൃത്തുക്കൾ എന്നിവർ പോയിരുന്നു. ഇതിനിടെയാണ് ടൗൺസ്‌വില്ലിലെ ഒരു നിശാക്ലബിൽ നിന്ന് ഫൊട്ടോഗ്രാഫർ ജോഡി വൈറൽ ചിത്രം പകർത്തിയത്. ഈ ഫോട്ടോയെക്കുറിച്ച് റൈലിക്ക് ആദ്യം ശ്രദ്ധിച്ചില്ല. എന്നാൽ, ക്ലബ്ബിന്‍റെ ഫെയ്സ്ബുക്ക് പേജിൽ ചിത്രം പോസ്റ്റ് ചെയ്തപ്പോൾ അത് വൈറലായി. റൈലിയുടെ സൗന്ദര്യത്തെ പ്രശംസിക്കുന്ന കമന്‍റുകളാൽ പേജ് നിറഞ്ഞു.
ഈ ഫോട്ടോ വൈറലായതോടെ സ്റ്റെല്ലാർ മാഗസിന്‍റെ കവർ ഫോട്ടോയ്ക്ക് മോഡലാകാൻ റൈലിക്ക് അവസരം ലഭിച്ചു. തന്‍റെ ആദ്യത്തെ ഫോട്ടോഷൂട്ട് ആയിരുന്നിട്ടും റൈലി ഈ അനുഭവം ഏറെ ആസ്വദിച്ചു. ഈ അനുഭവത്തോടെ മോഡലിങ്ങിനോടുള്ള അഭിനിവേശം കൂടുതൽ ശക്തിപ്പെട്ടതായും ഭാവിയിൽ ഒരു മോഡലായി തിളങ്ങാൻ താൻ ആഗ്രഹിക്കുന്നതായും റൈലി പറഞ്ഞു.
അതേസമയം ഈ പെട്ടെന്നുള്ള പ്രശസ്തി റൈലിക്ക് വലിയതോതിലുള്ള ജനപിന്തുണയ്ക്കും കാണമായിട്ടുണ്ട്. തന്‍റെ ചുറ്റുമുള്ള എല്ലാവരിൽ നിന്നും ലഭിക്കുന്ന അഭിനന്ദനങ്ങളും പ്രോത്സാഹനവും അത്ഭുതകരമായി തോന്നുന്നതായി റൈലി വ്യക്തമാക്കി.
