മെല്‍ബണ്‍ : മാവേലി മന്നൻ നാടുവാണിരുന്ന ഗതകാല സ്മരണകളിലേക്കു കൂട്ടികൊണ്ടു പോകുന്ന വീഡിയോ മ്യൂസിക്കല്‍ ആല്‍ബം ‘ശ്രാവണം പൊന്നോണം ‘ ഓഗസ്റ്റ് 29 നു റിലീസ് ചെയ്തു.
മലയാളത്തിന്‍റെ അനുഗ്രഹീത ഗായകൻ എം. ജി . ശ്രീകുമാർ ആലപിച്ചിരിക്കുന്ന വീഡിയോ മ്യൂസിക്കല്‍ ആല്‍ബം , പൊന്നിൻ ചിങ്ങമാസത്തിലെ തിരുവോണത്തെ വരവേല്‍ക്കാൻ ഒരുങ്ങുന്ന മലയാള നാടിന്‍റെ ദൃശ്യഭംഗി മുഴുവനും ഒപ്പിയെടുക്കുന്നതോടൊപ്പം , സ്വദേശത്തും വിദേശത്തും ഉള്ള ഓരോ മലയാളിക്കും അനിര്‍വചനീയമായ സംഗീത വിസ്മയം ഒരുക്കുന്നു .
ജമിനി ഒഷിയാനയുടെ ബാനറില്‍ ഓസ്ട്രേലിയൻ മലയാളി ഷിബു പോള്‍ നിർമാണം നിർവഹിച്ചിരിക്കുന്ന വീഡിയോ ആല്‍ബം ഇതിനോടകം പ്രേക്ഷക ശ്രദ്ധ പിടിച്ചു പറ്റി കഴിഞ്ഞു . ശ്രീകുമാർ എടപ്പോണ്‍ രചനയും , സതീഷ് വിശ്വ സംഗീതസംവിധാനവും , രഞ്ജിത്ത് രാജൻ മിക്സിങ്ങും നിർവഹിച്ചിരിക്കുന്ന ആല്‍ബം യൂട്യൂബില്‍ ലഭ്യമാണ് .
