പാസ്പോർട്ടിൽ നിന്നും ന്യായമായ കാരണങ്ങളുടെ പേരിൽ അച്ഛന്റെ പേര് നീക്കാം എന്ന് ഡൽഹി ഹൈക്കോടതി. പ്രായപൂർത്തിയാകാത്ത മകന്റെ പാസ്പോർട്ടിൽ നിന്നും അവന്റെ അച്ഛന്റെ പേര് നീക്കണം എന്ന ആവശ്യവുമായി ഒരു യുവതി സമീപിച്ച സാഹചര്യത്തിലാണ് കോടതിയുടെ പരാമർശം.
കുട്ടി ജനിക്കുന്നതിന് മുമ്പ് തന്നെ അവന്റെ അച്ഛൻ അവനെ ഉപേക്ഷിച്ച് പോയതാണ്. ജനിച്ച അന്ന് മുതൽ താൻ ഒറ്റയ്ക്കാണ് അവനെ വളർത്തുന്നത്. പിന്നെ എന്തിനാണ് അച്ഛന്റെ പേര് പാസ്പോർട്ടിൽ നൽകുന്നത് എന്നായിരുന്നു പരാതിക്കാരിയുടെ ചോദ്യം. യുവതിയുടെ ആവശ്യം ന്യായമാണ് എന്ന് കണ്ട കോടതി അച്ഛന്റെ പേര് നീക്കം ചെയ്യാൻ പാസ്പോർട്ട് അതോറിറ്റിക്ക് നിർദേശം നൽകുകയായിരുന്നു.
