ദുബൈ: ദുബൈയിൽ നിന്നുള്ള പ്രശസ്ത വ്ലോഗർ ഖാലിദ് അൽ അമേരിയും തെന്നിന്ത്യൻ നടി സുനൈനയും വിവാഹിതരാകാൻ പോകുന്നുവെന്ന അഭ്യൂഹം സോഷ്യൽ മീഡിയയിൽ സജീവം. ഇരുവരും ഇൻസ്റ്റഗ്രാമിൽ പോസ്റ്റ് ചെയ്ത ചിത്രങ്ങളെ ചുറ്റിപ്പറ്റിയാണ് അഭ്യൂഹം.
ഈയിടെ വിവാഹബന്ധം വേർപ്പെടുത്തിയ ഖാലിദ് അമേരി മോതിരം കൈമാറ്റത്തിന്റെ ചിത്രം ഇൻസ്റ്റാഗ്രാമിൽ പോസ്റ്റ് ചെയ്തിരുന്നു. ഇതിനോട് സമാനതയുള്ള ചിത്രം സുനൈനയും ഇൻസ്റ്റാഗ്രാമിൽ പോസ്റ്റ് ചെയ്തിട്ടുണ്ട്. ഈ ചിത്രത്തിന് ഖാലിദ് അൽ അമേരി ലൈക്കും ഇട്ടിട്ടുണ്ട്. ഇതോടെയാണ് സോഷ്യല് മീഡിയ ചര്ച്ചകള്ക്ക് ചൂടുപിടിച്ചത്. ഇരുവരും പോസ്റ്റ് ചെയ്ത ചിത്രങ്ങള് സോഷ്യല് മീഡിയയില് വൈറലാണ്.