അഡലൈഡ്: പൂജയെന്ന മാസിക പ്രസിദ്ധീകരിക്കുമ്പോൾ പണ്ടെന്നോ നിലച്ചുപോയൊരു സ്വപ്നം പൂവണിഞ്ഞ പ്രതീതിയായിരുന്നു രഞ്ജിത്ത് മാത്യുവിന്. വർഷങ്ങൾക്ക് മുൻപ് കോട്ടയം- തിരുനക്കരയിൽ രഞ്ജിത്തിന്റെ പിതാവ് സി.ൻ മാത്യു ആരംഭിച്ച പ്രസ്ഥാനം ഏകദേശം 20 ലക്കങ്ങൾ പ്രസിദ്ധീകരിച്ചതിനു ശേഷം പ്രവർത്തനം നിലച്ചുപോയിരുന്നു. നാല്പത്തിനാല് വർഷങ്ങൾക്ക് ശേഷം അഡലൈഡിൽ നിന്നും രഞ്ജിത്തിന്റെ നേതൃത്വത്തിൽ ‘പൂജ’ വീണ്ടും പ്രവർത്തനം ആരംഭിച്ച് നിങ്ങളിലേക്ക് എത്തുകയാണ്.
പഴമയെ പുതുമയുടെ മുഖംമൂടി കൊണ്ട് മൂടി, ധാരാളം വിഭവങ്ങൾ നിങ്ങൾക്കായി കാഴ്ചവയ്ക്കുവാൻ മലയാളത്തിലെ പ്രശസ്തരായ എഴുത്തുകാർ അണിനിരക്കുന്നു. ഇതിൽ എഴുതിയിരിക്കുന്ന ഓരോ എഴുത്തുകാരും അവരവരുടെ ഭാവനയിലും, മനസ്സിന്റെ ഉൾക്കൊണുകളിലും വിരിഞ്ഞ കഥയും, കവിതയും, ലേഖനങ്ങളും നിങ്ങൾക്കായി സമർപ്പിക്കുന്നു.
പൂജ ഓൺലൈൻ മാസികയുടെ പ്രകാശന കർമ്മം അഡലൈഡിൽ നിന്നും മാർത്തോമ്മാ ഇടവക വികാരി റെവ. ജി. വിൽ‌സൺ നിർവഹിക്കുന്നു. ചീഫ് എഡിറ്റർ രഞ്ജിത്ത് മാത്യു, ഫിനാൻസ് കൺട്രോളർ മഹേഷ്‌ മാത്യു എന്നിവർ സമീപം.
പൂജ ഓൺലൈൻ മാസികയുടെ ലിങ്ക് ചുവടെ ചേർക്കുന്നു.
https://www.poojaonlinemagazine.com/
