മെൽബൺ : മലയാളം ഫിലിം ആസ്വാദകർക്ക് ഒരുമിച്ചു കൂടാനും, മലയാളത്തിന്റെ അഭിമാനമായ സിനിമാ സംവിധായകൻ ശ്രീ. ശ്യാമപ്രസാദുമായി സംവദിക്കാനുമുള്ള ഒരവസരം അടുത്ത വെള്ളിയാഴ്ച്ച മെൽബണിൽ അനുഭവേദ്യമാക്കാൻ ഓസ്‌ട്രേലിയയിലെ പ്രമുഖ കലാ സാംസ്കാരിക സംഘടനകളായ നവോദയ വിക്ടോറിയയും, കർമ്മ ഓസ്‌ട്രേലിയ (Kerala Arts & Recreation Melbourne Association) യും സംയുക്തമായി ഒരു വേദിയൊരുക്കുന്നതിലേക്ക് എല്ലാ മലയാളി സിനിമാ പ്രേക്ഷകരെയും ക്ഷണിക്കുന്നു.
ഈ മാസം 24 വെള്ളിയാഴ്ച വൈകീട്ട് Navodaya Victoria യും Karma Australia യും ചേർന്നൊരുക്കുന്ന വേദിയിൽ പ്രിയ സംവിധായകന്റെ ഏറ്റവും പുതിയ ഫീച്ചർ ഫിലിമിന്റെ പ്രദർശനവും ഉണ്ടായിരിക്കും. മെൽബൺ പ്രേക്ഷകർക്ക് ഈ ഫീച്ചർ ഫിലിം കാണുവാൻ കിട്ടുന്ന അസുലഭ സാഹചര്യം അനുഭവവേദ്യമാക്കുവാനും , സംവിധായകനുമായി നേരിട്ട് തന്നെ അഭിപ്രായങ്ങൾ പറയുവാനും ലഭിക്കുന്ന ഈ അപൂർവ്വ അവസരം ഓരോ മലയാളിയും ഉപയുക്തമാക്കുന്നതിന് ശ്രമിക്കണം എന്ന് ഭാരവാഹികൾ അഭ്യർത്‌ഥിക്കുന്നു.
കൃത്യം 6:30 Pm ന് ആരംഭിച്ച്, 08 മണിയോടെ ഡിന്നർ ബ്രേക്ക് എടുത്ത് , 8:30 ഓടെ സംവിധായകനുമായി സംവദിക്കുവാൻ ഉതകുന്ന വിധത്തിലുള്ള ക്രമീകരണങ്ങളാണ് സംഘാടകർ ഒരുക്കിയിരിക്കുന്നത്. ഹാളിൽ തന്നെ രുചിയുടെ നിറക്കൂട്ടുകളോടെയുള്ള ഫുഡ് കൗണ്ടർ ഉണ്ടായിരിക്കുന്നതാണ്.
ഷോർട് ഫിലിം കാണുവാനും സിനിമാവിഷ്കാരത്തെ കുറിച്ചുള്ള നിങ്ങളുടെ ആശയങ്ങളും സംശയങ്ങളും പങ്ക് വെക്കുവാനും എല്ലാ കലാസ്വാദകരേയും സ്നേഹപൂർവ്വം ക്ഷണിക്കുകയാണ് സംഘാടകർ.
Date: Friday, 24 May 2024
Time: 6.30 Pm – 9.30 pm
Jan Wilson Community Centre
57 Halton Road, Noble park North
{Food counter available}
