വിക്ടോറിയ : കേരള ആർട്സ് ആൻഡ് റിക്രീയേഷൻ മെൽബൺ അസോസിയേഷൻ (KARMA) ന്റെ ആഭിമുഖ്യത്തിൽ
2024 നവംബർ 30 ശനിയാഴ്ച മെൻസീസ് ഹാളിൽ(41 എ മെൻസീസ് അവന്യൂ ഡാൻഡെനോങ് നോർത്ത്) വൈകിട്ട് ആറു മണിക്ക്
ക്രിസ്മസ് ഡിന്നർ നൈറ്റ് ഒരുക്കുന്നതായി ഭാരവാഹികൾ അറിയിച്ചു.വൈവിധ്യമാർന്ന സാംസ്കാരിക പരിപാടികൾ സംഘടിപ്പിച്ച് തങ്ങളുടെ സമ്പന്നമായ പൈതൃകം ആഘോഷിക്കുന്ന കേരള സമൂഹത്തിന് കർമ ഒരുക്കുന്ന ഡിന്നർ നൈറ്റിൽ സംഗീതത്തോടൊപ്പം പാട്ടും ഡിജെയും ആസ്വദിക്കാൻ ആകുമെന്ന് സംഘാടകർ വ്യക്തമാക്കി.
വൈവിധ്യമാർന്ന സംഗീത പ്രകടനങ്ങൾ കോർത്തിണക്കിയ മ്യൂസിക്കൽ ഗാല,തത്സമയ നൃത്ത പ്രകടനം, വയലിനും ചെണ്ടയും കോർത്തിണക്കിയ ഫ്യൂഷൻ, കൂടാതെ കുട്ടികൾക്കായി ഫേസ് പെയിന്റിംഗ് മറ്റു വിനോദ പരിപാടികൾ തുടങ്ങി
വിനോദവും സംസ്കാരവും ഡിജെയും നിറഞ്ഞ ഒരു സായാഹ്നം ആസ്വദിക്കാൻ ഏവരെയും സ്വാഗതം ചെയ്യുന്നതായി കർമ ഭാരവാഹികൾ അറിയിച്ചു.
രുചികരമായ മൾട്ടി-കോഴ്‌സ് അത്താഴത്തോടൊപ്പം കലാപ്രകടനങ്ങളും ആസ്വദിക്കാനുള്ള ഈ അവസരം പരമാവധി പ്രയോജനപ്പെടുത്തണമെന്ന് ഭാരവാഹികൾ കൂട്ടിച്ചേർത്തു .
കൂടുതൽ വിവരങ്ങൾക്ക്,:
https://app.orgnyse.com.au/140/karma-annual-event
