WA : ഇന്ത്യയുടെ അഭിമാനമായ ഐഎൻഎസ്‌വി തരിണിയിലെ അംഗങ്ങൾക്ക് വെസ്റ്റേൺ ഓസ്ട്രേലിയയിൽ ഊഷ്മളമായ സ്വീകരണം നൽകി പ്രാദേശിക കമ്മ്യൂണിറ്റി നേതാക്കൾ. ഫെഡറേഷൻ ഓഫ് ഇന്ത്യൻ അസോസിയേഷൻ ഓഫ് ഡബ്ല്യുഎ (FIAWA) യുടെ ചെയർപേഴ്സൺ ശ്രീ.ഐപ്പ് ചുണ്ടാമണ്ണിൽ, ശ്രീ.ജിം സേത്ത് എന്നിവരുടെ നേതൃത്വത്തിൽ ആയിരുന്നു സ്വീകരണം.ആഗോള പ്രദക്ഷിണ പര്യവേഷണം- നാവിക സാഗർ പരിക്രമ ll ന്റെ അമരക്കാരായ
ലഫ്റ്റനൻ്റ് സിഡിആർ ദിൽന കെ, ലെഫ്റ്റനൻ്റ് സിഡിആർ രൂപ എ എന്നിവരോടൊപ്പം INSA നേവൽ ആസ്ഥാനത്ത് നിന്നുള്ള ക്യാപ്റ്റൻ മനീഷ് സെയ്ൻ, ഗോവയിലെ ഓഷ്യൻ സെയിലിംഗ് നോഡിലെ Cdr വികാസ് ഷിയോറൻ, Cdr അഭിലാഷ് ടോമി ( ഒറ്റയ്ക്ക് ലോകം ചുറ്റിയ ആദ്യത്തെ ഇന്ത്യക്കാരൻ) എന്നിവരെ WA യിലേക്ക് സ്വാഗതം ചെയ്തു.തുടർന്ന്
ഫ്രെമാൻ്റിലിലെ പ്രശസ്തമായ കൈലിസ് സീഫുഡ് റെസ്റ്റോറൻ്റിൽ ഐഎൻഎസ്‌വി തരിണിയിലെ ക്രൂവിനൊപ്പം ഉച്ചഭക്ഷണം ആസ്വദിച്ചു.
ഐഎൻഎസ്‌വി തരിണിയിലെ അംഗങ്ങളുടെ ടീം വർക്ക്, അന്താരാഷ്ട്ര സഹകരണം, ശക്തമായ ദൃഢനിശ്ചയം എന്നിവ ഭാവി തലമുറകൾക്ക് പ്രചോദനമാണെന്ന് ഐപ്പ് ചുണ്ടാമണ്ണിൽ അഭിപ്രായപ്പെട്ടു. മുന്നോട്ടുള്ള അവരുടെ യാത്രയ്ക്ക് എല്ലാവിധ ഭാവുഗങ്ങളും സുരക്ഷയും നേരുന്നതായും FIAWA ചെയർപേഴ്സൺ അറിയിച്ചു.
