ആവേശമായി ‘കൽക്കി 2898എഡി’, ‘മഞ്ഞുമ്മൽ ബോയ്സ്’, ‘പ്രേമലു’, ‘ആവേശം’; കലക്കി
ഇന്ത്യയിൽ ഈ വർഷം ഇറങ്ങിയതിൽ ജനപ്രീതി നേടിയ 10 സിനിമകളുടെ പട്ടിക ഇൻറർനെറ്റ് മൂവി ഡേറ്റ ബേസ്(ഐ എം ഡി ബി) പ്രഖ്യാപിച്ചപ്പോൾ മൂന്നു൦ മലയാളം. ‘കൽക്കി 2898 എഡി’ യാണ് ഒന്നാമത്. മലയാളത്തിൽ നിന്ന് ഭാഷ അതിർത്തികൾ കടന്ന് വിജയം നേടിയ ‘മഞ്ഞുമ്മൽ ബോയ്സ്’ ആണ് രണ്ടാം സ്ഥാനത്ത്. ‘പ്രേമലു’ ‘ആവേശം’ എന്നിവയും ആദ്യ പത്തിൽ ഇടം നേടി.
ഫൈറ്റർ, ഹനു – മാൻ, ഷെയ്ത്താൻ, ലാപതാ ലേഡീസ്, ആർട്ടിക്കിൾ 370, മുൻജ്യ തുടങ്ങിയ ചിത്രങ്ങളാണ് പട്ടികയിൽ ഇടം നേടിയ മറ്റു ചിത്രങ്ങൾ.സിനിമകൾ, ടിവി ഷോകൾ സെലിബ്രിറ്റികൾ എന്നിവയെ കുറിച്ചുള്ള ജനപ്രിയ ഓൺലൈൻ സ്രോതസ്സാണ് ഐ എം ഡി ബി.
