സോള്‍: ദക്ഷിണ കൊറിയയിലെ ലിഥിയം ബാക്ടറി ഫാക്ടറിയിലുണ്ടായ തീപിടിത്തത്തില്‍ 22 പേര്‍ കൊല്ലപ്പെട്ടതായി അഗ്നിശമന സേന അറിയിച്ചു.
ഫാക്ടറിയുടെ രണ്ടാം നിലയില്‍ തൊഴിലാളികള്‍ ബാറ്ററികള്‍ പരിശോധിച്ച്‌ പായ്ക്ക് ചെയ്യുന്നതിനിടെ പൊട്ടിത്തെറിയുണ്ടാകുകയായിരുന്നു.
സോളിന് തെക്ക് ഹ്വാസോങ് നഗരത്തിലെ ഫാക്ടറിയില്‍ രാവിലെ 10:30 ഓടെ ആയിരുന്നു അപകടം ഉണ്ടായത്. 100ഓളം തൊഴിലാളികളാണ് ഫാക്ടറിയില്‍ ഉണ്ടായിരുന്നതെന്ന് അഗ്നിശമന ഉദ്യോഗസ്ഥൻ പറഞ്ഞു. തീപിടിത്തത്തില്‍ 20 വിദേശ പൗരന്മാർ ഉള്‍പ്പെടെ 22 പേരാണ് കൊല്ലപ്പെട്ടത്. 18 ചൈനക്കാരും ലാവോസില്‍ നിന്നുള്ള ഒരാളും അപകടത്തില്‍ മരിച്ചു. മരിച്ച ഒരാള്‍ ഏത് രാജ്യക്കാരനാണെന്ന് സ്ഥിരീകരിക്കാന്‍ കഴിഞ്ഞിട്ടില്ലെന്നും അഗ്നിശമന ഉദ്യേഗസ്ഥൻ പറഞ്ഞു.
ദക്ഷിണ കൊറിയൻ പ്രൈമറി ബാറ്ററി നിർമ്മാതാക്കളായ അരിസെല്ലിൻ്റെ ഉടമസ്ഥതയിലുള്ളതാണ് ലിഥിയം ബാറ്ററി പ്ലാൻ്റ്. തലസ്ഥാനമായ സിയോളിൻ്റെ തെക്ക് ഭാഗത്തുള്ള ഹ്വാസോങ് നഗരത്തിലാണ് ഇത് സ്ഥിതി ചെയ്യുന്നത്. തീപിടിത്തത്തിൻ്റെ കാരണം ഇതുവരെ കണ്ടെത്താനായിട്ടില്ല, സംഭവത്തെക്കുറിച്ച്‌ അധികൃതർ അന്വേഷിച്ചുവരികയാണ്.
