പെർത്ത് : ചിന്മയ മിഷൻ പെർത്തിന്റെ ആഭിമുഖ്യത്തിൽ ഇന്ത്യയിൽ നിന്നുള്ള പ്രശസ്ത ഫ്ലൂട്ടിസ്റ്റ് ശ്രീ ശശാങ്ക് സുബ്രഹ്മണ്യത്തിനൊപ്പം ജൂൺ 16 ന് വില്ലേട്ടനിലുള്ള ഇന്ത്യൻ കമ്മ്യൂണിറ്റി സെന്ററിൽ വെച്ച് ‘സ്വര സുധ’ അവതരിപ്പിക്കുന്നതാണെന്ന് ഭാരവാഹികൾ അറിയിച്ചു.
ഇന്ത്യയിലും ലോകമെമ്പാടുമുള്ള നിരവധി പുരസ്കാരങ്ങളും ബഹുമതികളും ലഭിച്ചിട്ടുള്ള അന്താരാഷ്ട്ര പ്രശസ്തനായ സംഗീതജ്ഞനാണ് ശ്രീ ശശാങ്ക് സുബ്രഹ്മണ്യം. ഗ്രാമി നോമിനേഷൻ
ഗവൺമെൻ്റ് ഓഫ് ഇന്ത്യയുടെ സംഗീത നാടക അക്കാദമിയുടെ സീനിയർ അവാർഡ് , ഫ്രാൻസ് ഗവൺമെൻ്റിൻ്റെ ഷെവലിയർ ഡി എൽ ഓർഡ്രെ ഡെസ് ആർട്സ് എറ്റ് ഡെസ് ലെറ്റേഴ്സ് (നൈറ്റ്ഹുഡ്) അവാർഡും ലഭിച്ച അതുല്യ പ്രതിഭയാണ് ശ്രീ ശശാങ്ക് സുബ്രഹ്മണ്യം.
ക്ലാസിക്കൽ രാഗങ്ങൾ മുതൽ സമകാലിക രചനകൾ വരെയുള്ള ശ്രുതിമധുരമായ മറക്കാനാവാത്ത അനുഭവങ്ങളായിരിക്കും സ്വരസുധയിലൂടെ സദസ്സിന് ലഭ്യമാവുകയെന്ന് സംഘാടകർ വ്യക്തമാക്കി.
കൂടാതെ സ്വരസുധയിലൂടെ സമാഹരിക്കുന്ന ഫണ്ട്, ഫോറെസ്റ്റ്ഡെയ്‌ലിലെ തങ്ങളുടെ കേന്ദ്രമായ ചിന്മയപ്രസ്ഥയിൽ ശിശുസൗഹൃദ തുറസ്സായ സ്ഥലങ്ങളും കുട്ടികളുടെ കളിസ്ഥലവും സൃഷ്ടിക്കുന്നതിലേക്ക് വിനിയോഗിക്കുമെന്നും ഭാരവാഹികൾ അറിയിച്ചു.
തീയതി: 2024 ജൂൺ 16 ഞായറാഴ്ച
സമയം: 4.00 PM
സ്ഥലം: ഇന്ത്യൻ കമ്മ്യൂണിറ്റി സെൻ്റർ: 12 വൈല്ല സ്ട്രീറ്റ്, വില്ലെറ്റൺ
ടിക്കറ്റുകൾ ഇവിടെ ബുക്ക് ചെയ്യാം: https://www.trybooking.com/CQGTX
