അറിവിന്റെ ലോകത്ത് 50 വര്ഷങ്ങളുടെ അക്ഷയഖനിയായി ചാലക്കുടി കാര്മ്മല് ഹയര്സെക്കന്ഡറി സ്കൂള് ഗോള്ഡന് ജൂബിലി 1975 – 2025 ചാലക്കുടിയുടെ വിദ്യാഭ്യാസപരവും സാംസ്ക്കാരികവും സാമൂഹികവുമായ വളര്ച്ചയില് അവിഭാജ്യമായ പങ്കുവഹിക്കുകയും നിരവധി വിദ്യാര്ത്ഥികള്ക്ക് അറിവിൻ്റെ സമ്പത്ത് നല്കിക്കൊണ്ടിരിക്കുകയും ചെയ്യുന്ന കാര്മ്മല് സ്കൂള് സൂവര്ണ്ണജൂബിലി ആഘോഷിക്കുകയാണ്.
CMI സന്യാസ സഭയുടെ സ്ഥാപകനായ വിശുദ്ധ ചാവറ പിതാവിൻ്റെ വിദ്യാഭ്യാസ ദര്ശനങ്ങള് ഉള്ക്കൊണ്ട് 1975ല് റവ. ഫാ.ഗബ്രിയേല് ചിറമേല് ഈ വിദ്യാഭ്യാസ സ്ഥാപനത്തിന് തുടക്കമിട്ടു. രണ്ടു പതീറ്റാണ്ടോളം ഈ വിദ്യാഭ്യാസ സ്ഥാപത്തിന് നേതൃത്വം നല്കുകയും ചാലക്കുടിയുടെ വിദ്യാഭ്യാസ മേഖലയില് ഒരു പുതിയ
അധ്യായത്തിന് തുടക്കം കുറിക്കുകയും ചെയ്തത് ദിവംഗതനായ ജോസ് സെയില്സച്ചനാണ്. കലാ-കായിക രംഗങ്ങളില് സംസ്ഥാനതലത്തിലും ദേശീയതലത്തിലും നിരവധി പുരസ്ക്കാരങ്ങള് നേടിയെടുത്തിട്ടുണ്ട്. മുന് പ്രധാനമന്ത്രിമാരായ ശ്രീമതി ഇന്ദിരാഗാന്ധി, ശ്രീ രാജീവ് ഗാന്ധി, മുന്‌രാഷ്ട്രപതിമാരായ ശ്രീ കെ. ആര്. നാരായണന്, ശ്രീ എ.പി.ജെ. അബ്ദുള് കലാം, കൂടാതെ ശ്രീ രാഹുല്ഗാന്ധി, ശ്രീ കെ. കരുണാകരന്, ശ്രീ പിണറായി വിജയന് തുടങ്ങി മറ്റു പ്രമുഖ വ്യക്തികളുടെ പാദസ്‌പര്‌ശം, കാര്മ്മല് സ്കൂളിനെ ദേശിയ തലത്തില് പ്രശംസ പിടിച്ചു പറ്റിയിട്ടുണ്ട്.
സംസ്ഥാനകായികമേളയ്ക്ക് കാര്മ്മല് സ്കൂള് സ്റ്റേഡിയം മൂന്നു തവണ വേദിയായിട്ടുണ്ട്.
ആധുനിക കാലഘട്ടത്തില് വിദ്യാര്ത്ഥികളുടെ സമഗ്ര വളര്ച്ചയ്ക്കു വേണ്ടി ഹൈടെക്ക് ക്ലാസ്സ് മുറികള്, കലാ- കായിക പരിശീലനം, സിവില് സര്വ്വീസ് പരിശീലന ക്ലാസ്സുകള്, സമ്മര് കായിക പരിശീലന ക്യാംപുകള്, കുട്ടികളില് സാമൂഹിക അവബോധം സൃഷ്‌ടിക്കുന്നതിനു വേണ്ടി തുടങ്ങിയിട്ടുള്ള എന്.സി.സി., എന്. എസ്.എസ്., സ്കൗട്ട് ഗൈഡ്, വിവിധ ക്ലബ്ബുകള്, അസ്സോസ്സിയേറ്റ്സ് ഓഫ് കാര്മല് തുടങ്ങിയവ കാര്മ്മല് സ്കൂളിന്റെ സവിശേഷതകളാണ്.
സുവര്ണ്ണ ജൂബിലിയുടെ ആഘോഷങ്ങള് 2024 ജൂലായ് മാസത്തില് ആരംഭിക്കും. ജൂബിലിയുടെ സമാപന സമ്മേളനം 2025 ജനുവരി ആദ്യവാരത്തില് കാര്മല് സ്റ്റേഡിയത്തില് നടക്കും. ജൂബിലിയുടെ ഒരു വര്ഷം നീണ്ടു നില ആഘോഷങ്ങളുടെ നടത്തിപ്പിനായി, 19 പ്രവര്ത്തന കമ്മറ്റികളിലായി 500 അംഗങ്ങളുള്ള ഓര്ഗനൈസിംഗ് കമ്മറ്റി രൂപീകരിച്ചിട്ടുണ്ട്. ജൂബിലിയുടെ ഭാഗമായി നിരവധി പദ്ധതികള്ക്ക് രൂപം നല്‌കിയിട്ടുണ്ട്.
1. ആധുനിക സൗകര്യങ്ങളോടു കൂടിയ ഗോള്ഡന് ജൂബിലി കാര്മല് കിന്റര്ഗാര്ട്ടന് ബ്ലോക്ക്.
2. വിരമിച്ച അധ്യാപക-അനധ്യാപകരുടെ സ്നേഹസംഗമം.
3. ലഹരിവിരുദ്ധ സന്ദേശം ഉള്ക്കൊണ്ട ഗോള്ഡന് ജൂബിലി വിളംബര ജാഥ
4. ഉപജില്ലാ, റവന്യു ജില്ലാതല മത്സരങ്ങള്
5. ഫാ. ഗബ്രിയേല് സ്മാരക എഡ്യൂക്കേഷനല് കോണ്ക്ലേവ്
6 ചാവറോത്സവ് – അസ്സോസ്സിയേറ്റ്സ് ഓഫ് കാര്മലിലെ വിദ്യാര്ത്ഥി- വിദ്യാര്ത്ഥിനികള്ക്കുള്ള കലാമത്സരങ്ങള്
7. ഉപജില്ലാ തല കിഡ്‌സ് ഫെസ്റ്റ് 8. ഫാ. ജോസ് സെയില്‌സ് മെമ്മോറിയല് ഓള് കേരള ഫുട്ബോള് ടൂര്‌ണമെന്റ്.
9. മെഗാ പൂര്വ്വവിദ്യാര്ത്ഥി സംഗമം
10. രക്ഷാകര്ത്തൃസംഗമം
11. ഫാ. ജോസ് സെയില്‌സ് മെമ്മോറിയല് ഓള് കേരള ഇന്റര് സ്കൂള് ക്വിസ് മത്സരം
12. അഭ്യുദയകാംക്ഷികളുടെ
~ (Well wisher’s get-together)
13. കാര്മല് സ്കൂളിന്റെ ചരിത്രം ഉള്ക്കൊള്ളുന്ന പുസ്‌തക പ്രകാശനം
14. സ്മരണിക പ്രകാശനം
15. വിവിധ തലങ്ങളില് കഴിവു തെളിയിച്ചിട്ടുള്ള വിദ്യാര്ത്ഥി പ്രതിഭകള്ക്കുള്ള പുരസ്‌കാരം (Sports, Arts, Cultural, Dance & Music)
16. വിവിധ സാമൂഹിക പ്രവര്ത്തനങ്ങള് (പഴൂക്കര സേവനഗിരി സേവനാലയ മാനസികാരോഗ്യകേന്ദ്രം ദത്തെടുക്കല്, ഡയാലിസിസ് രോഗികള്ക്കുള്ള സാമ്പത്തിക സഹായം )
17. സ്കൂളിനോടു ചേര്‌ന്ന് റോഡിന്റെ ഇരുവശത്തുമുള്ള ബസ് സ്റ്റോപ്പുകളുടെ നവീകരണം
18. ഫാ. ജോസ് സെയില്‌സ് മെമ്മോറിയല് മള്ട്ടി പര്പ്പസ് ഇന്ഡോര് സ്റ്റേഡിയം നിര്മ്മാണം
19. സ്നേഹഭവനം (കുട്ടികള് നേതൃത്വം നല്കുന്ന ഭവന നിര്‌മ്മാണ പദ്ധതി) സ്വന്തമായി വീടും സൗകര്യങ്ങളും ഉള്ളവര്ക്ക് അറിയില്ല അത് ഇല്ലാത്തവരുടെ നൊമ്പരവും വേദനയും. ആ ഒരു അവസ്ഥ തിരിച്ചറിയാന് കഴിഞ്ഞാലേ അവരെപ്പോലുള്ളവരെ സഹായിക്കാന് കഴിയൂ. പ്രത്യേകിച്ച് തങ്ങള് ഇടപഴകുന്ന വ്യക്തികള്ക്കാണെങ്കില്. ഈയൊരു തിരിച്ചറിവില് നിന്നുണ്ടായ പ്രചോദനത്തിന്റെ പരിണിതഫലമാണ് ‘സ്നേഹഭവനം’ പദ്ധതി. വിദ്യാലയത്തിലെ തന്നെ നിര്‌ധനയായ ഒരു അനധ്യാപകിയ്ക്കു വേണ്ടിയുള്ള സ്വപ്നഭവനപദ്ധതി.ആ വിദ്യാര്ത്ഥികളും അധ്യാപക അനധ്യാപകരും ഈ പദ്ധതിയില് കൈ കോര്ക്കുന്നു.
