മെൽബൺ: ഓസ്ട്രേലിയയിൽ ആദ്യമായി മലയാളം ലിറ്ററേച്ചർ ഫെസ്റ്റിവെൽ സംഘടിപ്പിക്കപ്പെട്ടു. ഡിസംബർ 14, ശനിയാഴ്ചയായിരുന്നു പരിപാടി നടന്നത്. വിപഞ്ചിക ഗ്രന്ഥശാല മെൽബണിൽ സംഘടിപ്പിച്ച
ഓസ്ട്രേലിയൻ മലയാളി എഴുത്തുകാരെ പരിചയപ്പെടുത്തുന്ന തുറന്ന പുസ്തകം എന്ന പരിപാടിയിൽ ഡോ. ആൽബി ഏലിയാസ്,നിഫി റഷീദ്, ശൈലജ. വർമ്മ എന്നിവർ സംവദിച്ചു. ഗിരീഷ് അവണൂർ,സഞ്ജയ് പരമേശ്വരൻ എന്നിവർ മോഡറേറ്റർമാരായി.
പി. ഭാസ്ക്കരൻ മാഷുടെ ” ജന്മശതാബ്ദി ദിനാഘോഷത്തിൻ്റെ ഭാഗമായി നടത്തിയ പാട്ടോർമ്മകളിൽ ഇവ, ആൻഡ്രൂ തുടങ്ങിയ മെൽബണിലെ നിരവധി ഗായകരും, നാട്ടിൽ നിന്ന് വിസിറ്റിനായി എത്തിയ പാരൻ്റ്സും പങ്കുചേർന്നു.
ശ്രീജിത്ത് ശ്രീകുമാർ, സുനിൽ കല എന്നിവർ ഭാസ്ക്കരൻ മാസ്റ്ററുടെ അനുസ്മരിച്ചു കൊണ്ട് സംസാരിച്ചു.
തുടർ വർഷങ്ങളിലും AMLF വിപുലമായി സംഘടിപ്പിക്കുന്നതായിരിക്കുമെന്ന് വിപഞ്ചിക ഗ്രന്ഥശാലയുടെ ഭാരവാഹികൾ അറിയിച്ചു.
