QLD :കൂത്താട്ടുകുളം ചെമ്പോത്തയിൽ ഏലിയാസിന്റെ മകൻ ഓസ്ട്രേലിയയിലെ സൺഷൈൻ കോസ്റ്റിൽ താമസിക്കുന്ന രഞ്ജിത്ത് ചെമ്പോത്തയിൽ ഏലിയാസ് ഇന്നലെ (14/08/2024) വൈകുന്നേരം ഹൃദയാഘാതത്തെ തുടർന്ന് മരണപ്പെട്ടു. സംസ്കാര ശുശ്രൂഷകൾ പിന്നീട് നടക്കുമെന്ന് കുടുംബാംഗങ്ങൾ അറിയിച്ചു.
കുറച്ച് വർഷങ്ങൾക്ക് മുൻപാണ് അയർലണ്ടിൽ നിന്നും രഞ്ജിത്ത് സൺഷൈൻ കോസ്റ്റിലെ നമ്പൂരിലേക്ക്(QLD)
താമസം മാറിയത്.തികഞ്ഞ ഒരു ക്രിക്കറ്റ് പ്രേമിയും സ്‌നേഹസമ്പന്നനായ ഒരു കുടുംബനാഥനുമായിരുന്നു രഞ്ജിത്ത് എന്ന് അദ്ദേഹത്തെ അറിയുന്നവർ വിതുമ്പലോടെ ഓർത്തു.
ഭാര്യ മായ സ്കറിയ (RN- Rehab, Ramsay Health Selangour)
മക്കൾ : എബ്രഹാം (13), ഐസക് (7).
രഞ്ജിത്തിൻ്റെ സുഹൃത്തുക്കളും കുടുംബാംഗങ്ങളും അപ്രതീക്ഷിതമായ വിയോഗത്തിന്റെ ഞെട്ടലിൽ നിന്നും ഇനിയും മുക്തമായിട്ടില്ല. രഞ്ജിത്തിന് ഹൃദയാഘാതം സംഭവിച്ചപ്പോൾ ആംബുലൻസ് വിളിക്കുന്നതുൾപ്പെടെ തങ്ങളുടെ പിതാവിനെ രക്ഷിക്കാൻ വീരോചിതമായ ശ്രമങ്ങൾ നടത്തിയ അദ്ദേഹത്തിൻ്റെ കൊച്ചുകുട്ടികളായ അബ്രഹാമും ഐസക്കും അപാരമായ ധൈര്യവും സ്നേഹവുമാണ് പ്രകടിപ്പിച്ചത് .
സെൻ്റ് മേരീസ് ഇന്ത്യൻ ഓർത്തഡോക്സ് ചർച്ച് (സൺഷൈൻ കോസ്റ്റ്) ആണ് സംസ്കാര ചടങ്ങുകൾക്ക് നേതൃത്വം നൽകുന്നത്, കൂടുതൽ വിശദാംശങ്ങൾ പിന്നീട് അറിയിക്കുന്നതാണെന്ന് കുടുംബാംഗങ്ങൾ അറിയിച്ചു.
രഞ്ജിത്തിന്റെ വിയോഗത്തിൽ അതീവ ദുഃഖം രേഖപ്പെടുത്തുന്നതായി സൺഷൈൻ കോസ്റ്റ് കേരള അസോസിയേഷൻ എക്‌സിക്യൂട്ടീവ് കമ്മിറ്റി അറിയിച്ചു.
