ഹേഗ്: ഇസ്രായേല് പ്രധാനമന്ത്രി ബെഞ്ചമിൻ നെതന്യാഹുവിനെതിരെ അന്താരാഷ്ട്ര ക്രിമിനല് കോടതി(ഐ.സി.സി)യുടെ അറസ്റ്റ് വാറന്റ് പുറപ്പെടുവിച്ചു.
ഗസ്സ ആക്രമണത്തിലാണ് ഐ.സി.സി നടപടി ഉണ്ടായിരിക്കുന്നത്. ഇസ്രായേല് പ്രതിരോധ മന്ത്രി യോവ് ഗാലന്റിനും യഹ്യ സിൻവാർ എന്നിവർ ഉള്പ്പെടെ മൂന്ന് ഹമാസ് നേതാക്കള്ക്കുമെതിരെയും കോടതിയുടെ വാറന്റ് ഉണ്ട്.
ഒക്ടോബർ ഏഴിന് ഇസ്രായേലിലും തുടർന്ന് ഗസ്സയിലും നടന്ന ആക്രമണങ്ങളിലാണ് ഐ.സി.സിയുടെ നടപടി എടുത്തതെന്ന് ചീഫ് പ്രോസിക്യൂട്ടർ കരീം ഖാൻ അറിയിച്ചു. അല്ഖസ്സാം ബ്രിഗേഡ് തലവനും മുഹമ്മദ് ദൈഫ് എന്ന പേരില് അറിയപ്പെടുന്ന മുഹമ്മദ് ദിയാബ് ഇബ്രാഹിം അല്മസ്രി, ഹമാസ് രാഷ്ട്രീയകാര്യ തലവൻ ഇസ്മാഈല് ഹനിയ്യ എന്നിവരാണ് അറസ്റ്റ് വാറന്റ് നേരിടുന്ന ഇനിയുള്ള ഹമാസ് നേതാക്കള്.