സാൽമിയ, കുവൈറ്റ്‌ : എസ് എം സി എ സാൽമിയ ഏരിയ ഓണാഘോഷം സംഘടിപ്പിച്ചു.
സാൽമിയ ഇന്ത്യൻ കമ്മ്യൂണിറ്റി സ്കൂളിൽ നടന്ന തുമ്പപ്പുലരി 2023 ഏരിയ കൺവീനർ ശ്രീ. ടോം ഇടയോടിയിൽ ഉദ്ഘാടനം നിർവഹിച്ചു.
തുമ്പപ്പുലരി ജനറൽകൺവീനർ സിബി ഡൊമനിക്, സാൽമിയ ഏരിയ സെക്രട്ടറി ജെയിംസ് മോഹന്‍ വരാച്ചേരിൽ , ഏരിയ ട്രഷറർ ഡിസിൽവ ജോൺ, ഏരിയ ജോയിൻറ് സെക്രട്ടറി ആന്റണി പൈലി എന്നിവർ നേതൃത്വം നൽകി. എസ് എം സി എ പ്രസിഡൻറ് ശ്രീ സുനില്‍ റാപ്പുഴ ,ജനറൽ സെക്രട്ടറി. ശ്രീ. ബിനു ഗ്രിഹറി, ട്രഷറർ ശ്രീ. ജോർജ് തെക്കേൽ, ഫാദർ ജോൺസൺ നെടുപുറം, ശ്രീ നാഷ് വർഗീസ് , ബാലദീപ്തി കൺവീനർ കുമാരി അൽവിന ജോബിഎന്നിവർ ആശംസകൾ അറിയിച്ചു സംസാരിച്ചു.
അംഗത്വ കാലയളവിൽ സിൽവർ ജൂബിലി ആഘോഷിക്കുന്ന എസ്എംസിഎ കുടുംബാംഗങ്ങളെ ആദരിച്ചു തുമ്പപ്പുലരി ഓണപ്പതിപ്പിന്റെ പ്രകാശനം നിർവഹിക്കുകയും ഉണ്ടായി.
സാംസ്കാരിക ഘോഷയാത്ര, പഞ്ചാവാദ്യം, വർണ്ണാഭരമായ താലപ്പൊലി, വള്ളംകളി പുലികളി, വേദിയിൽ അരങ്ങേറി തിരുവാതിര, കൈകൊട്ടിക്കളി, ഓണസദ്യ എല്ലാം പങ്കെടുത്തവരിൽ ഗൃഹാതുരത്വം ഉണർത്തി.
കുട്ടികളുടെ വിവിധയിനം കലാപരിപാടികളും, ഓണാഘോഷത്തിന് മിഴിവേകി തുമ്പപ്പുലരി കൺവീനർ ശ്രീ ആന്റണി പൈലി തീത്തയിൽ നന്ദി അർപ്പിച്ചു.
