റായ്പൂര്‍: ഛത്തീസ്ഗഡില്‍ കത്തോലിക്ക ദേവാലയവും ക്രൂശിത രൂപവും അടിച്ചു തകര്‍ത്തു. ജഗദല്‍പ്പൂര്‍ സീറോ മലബാര്‍ രൂപതയ്ക്ക് കീഴിലുള്ള നാരായണ്‍പൂരിലെ സേക്രഡ് ഹാര്‍ട്ട് ദേവാലയത്തിന് നേരെയാണ് ആക്രമണം നടന്നത്. ദേവാലയത്തിനുള്ളിലെ ക്രൂശിത രൂപം, വാതിലുകള്‍, ജനലുകള്‍, മാതാവിന്റെ ഗ്രോട്ടോ, തിരുസ്വരൂപം എന്നിവയാണ് അക്രമികള്‍ തല്ലിതകര്‍ത്തത്.
പള്ളിമേടയ്ക്ക് നേരെയും കോണ്‍വെന്റിനും സ്‌കൂളിന് നേരെയും ആക്രമണം നടന്നു. കോണ്‍വെന്റിനകത്തുണ്ടായിരുന്ന സിസ്റ്റര്‍മാരെ ആശുപത്രിയിലേക്ക് മാറ്റി. പള്ളി വികാരി ഫാദര്‍ ജോമോന്‍ തെക്കിനിയില്‍ മിഷന്‍ സ്‌കൂളിലേക്ക് മാറിയിരിക്കുകയാണ്.
തിങ്കളാഴ്ച ഉച്ചയോടെ പ്രകടനമായെത്തിയ സംഘമാണ് അക്രമം നടത്തിയത്. തല്ലിതകര്‍ത്ത ദേവാലയത്തിനകത്ത് നിന്ന് ദൃശ്യങ്ങള്‍ പുറത്തു വന്നു. ‘ആര്‍എസ്എസുകാര്‍ കേറി അടിച്ചു പൊളിച്ചു കൊണ്ടിരിക്കുകയാണ്, സിസ്റ്റേഴ്‌സിനെയൊക്കെ ഓടിച്ചു കൊണ്ടിരിക്കുകയാണ്’എന്ന് ഈ വീഡിയോയില്‍ പറയുന്നുണ്ട്.
Story Highlights:
