‘അറ്റൻഷൻ പ്ലീസ്’ എന്ന സിനിമയ്ക്ക് ശേഷം ജിതിൻ ഐസക്ക് തോമസ് സംവിധാനം ചെയ്യുന്ന ചിത്രം രേഖയുടെ സെക്കന്റ് ലുക്ക് പോസ്റ്റർ റിലീസ് ചെയ്തു. വിൻസി അലോഷ്യസ് നായികയായ ചിത്രം കാർത്തിക് സുബ്ബരാജിന്റ സ്റ്റോൺ ബെഞ്ച് ഫിലിംസ് ആൻഡ് ഒറിജിനൽസാണ് ഒരുക്കുന്നത്.
വിൻസിക്കൊപ്പം ഉണ്ണി ലാലാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. വിഷ്ണു ഗോവിന്ദ്, ശ്രീജിത്ത് ബി, ആനന്ദ് മന്മഥൻ, ജോബിൻ പോൾ, ജിക്കി പോൾ, ആതിര കല്ലിങ്ങൽ എന്നിവര്‍ പ്രധാന വേഷത്തില്‍ എത്തിയ അറ്റന്‍ഷന്‍ പ്ലീസ് ഐ എഫ് എഫ് കെയിലും ശേഷം നെറ്റ്ഫ്ലിക്സിലും ശ്രദ്ധ നേടിയ ചിത്രമാണ്. തുടർന്ന് ‘ഫ്രീഡം ഫൈറ്റ്’ എന്ന ആന്തോളജിയിലെ ‘പ്ര.തു.മു’ വിലൂടെ ജിതിൻ കൂടുതൽ ശ്രദ്ധേയനായി.
രേഖയുടെ എഡിറ്റിംഗ് നിർവഹിക്കുന്നത് രോഹിത് വി എസ് വാര്യത്ത് ആണ്. സംഗീതം നൽകിയിരിക്കുന്നത് എസ്കേപ്പ് മീഡിയം, മിലൻ വി എസ്, നിഖിൽ വി എന്നിവരാണ്. ചിത്രം ഉടന്‍ തിയേറ്ററുകളില്‍ എത്തുമെന്നാണ് വിവരം.
story highlights: jithin isaac thomas new movie rekha second look out
